Meri Dua tere Rakhsh e Saba Khram kay Naam

Advertisements

Meri Dua tere Rakhsh e Saba Khram kay Naam

Saba kay Hath usay yeh Payam Pohnche

Kay mene apni Muhabbat Supurd ki hai Tujhe

So dekh! meri Imanat Sambhal kay Rakhna

Usay Bahar ki Naramhaton ne Pala hai

So us ko Garam Hawa say bohat Bacha kay Rakhna

Yeh gull Uzar nahi Ashna e sakhti Gull

Yeh sath ho to Bohat ehtiat se Chalna

Mazah us ka to Hawaon ki Tarah Sarkash hai

So as ke Janbhis abru ko Dekhte Rehna

Nahi yeh sun'ne ka Aadi nahi Raha hai Kabhi

So iski Baat wo kaisi ho, Mante Rehna

Itaat iski behar gam Aap hai tera Kaam

Hawa kay sath isko yeh Payam bhi Pohnche

Kay Khush Naseeb hai tu iska Humsafar thera

Main tera Bakht thi, Us say Bicharr gayi Kab ki

Bhatak Rahi hoon ghane Jungalo mein ab Tanha

Tu us kay lams se her Roz Zindagi Paye

Main us kay Hijar mein her Raat Lams e Mirg chakhu

Tere Galay mein wo her Roz Bahen Dalta hai

Mere badan ko wo Halka magar Naseeb nahi

Wo tere Jisam se kitna Qareeb hota Hai

Magar Main us ky badan ki Mehak Kahan se Dhoondoon

Kay Us kay Shehar ki Pagal Hawain mere Ghar

Na Jane kon see Galiyon say ho kay ayi hain

Kay wo Mehak kahin Raste mien Choot Jati Hai

Usi ki yad mein hoti hai ab to Subah O Sham

Hawa kay Hath usay yeh Payam bhi Pohnche

Kay teri umar Khuda e Azak Daraz Kare

Jo Khawab bhi teri Ankhon mein ho wo pura ho

Kay tere sath us ko bohat Khushi di Hai

Wo apne sare Rafeeqon mein sar buland hua

Shaksta Dil tha Magar aaj Arjmand hua

Ghareeb e Shehar ko jeene ka Aasra to diya

Bohat Udas tha,Tu ne usay Hansa to Diya

Main kis Zuban mein bta Tujh ko Shukriya Likhoon

Dua yeh hai kay Tujhe har Khushi Muyaser Ho

Isi tarah se Kabhi tu bhi Sar Utha kay Chalay

Kabhi tujhe bhi koi Bejhay Tehniyat Ka Payam

Hawa kay sath usay yeh Payam bhi Pohnche

Kay Apne Aaqa kay Humrao Sair ko Nikle

To Asp e Tazi. Kisi din Zaqand Aisi Bhare

Kay Urr kay mere Nagar, Mere Shehar aa Pohnche

Tamam Umar Duain Rahen gi Us kay Naam