0


Ab teri Yaad se Wehshat nahi hoti mujh ko
Zakhm khulte hain Aziyat nahi hoti mujhko

ab koi aaye,chala jaye main khush rehta hon
ab kisi shaks ki aadat nahi hoti mujhko

aesa badla hon tere shehr ka paani pee kar
jhoot boloon to nadamat nahi hoti mujhko

hai amaanat mein khayaanat,so kisi ki khatir
koi marta hai to hairat nahi hoti mujhko

itna masroof hoon jeene ki hawas mein Mohsin
saans lene ki b fursat nahi hoti mujhko . . 

Post a Comment Blogger

 
Top